F1, Newey: Ndryshimi i gomave na ndihmoi
31/10/2013 00:00
SHBA çon në 4 numrin e shteteve të kualifikuara, që nuk i lejohet të hyjnë në Amerikë, as për Botërorin 16/12 23:21
“Kthimi tek gomat Pirelli të vitit 2012 na ndihmoi.” Adrian Newey foli hapur dhe qartë në një intervistë për francezen ‘L’Equipe’ mbi ndryshimin e gomave që vendosi të bëjë Pirelli në mes të sezonit aktual.
Inxhinieri britanik shpjegoi përmirësimin që pati makina Red Bull pas këtij ndryshimi gomash: “Makina jonë është shumë e mirë në kthesat e shpejta, aty ku gomat e vitit 2013 vuanin më shumë. Dëmtoheshin shumë lehtë dhe për këtë arsye ne nuk e shfrytëzonim dot avantazhin që kishim ndaj skuderive të tjera në kthesat e shpejta.”
Newey vlerëson edhe Sebastian Vettel duke i dhënë meritat për 4 titujt kampion që ka fituar: “Që nga viti 2009 ai është përmirësuar shumë. Në fillim bënte lëvizje të gabuara dhe mund ta kritikoje për disa aksidente që i kanë ndodhur ose mund ta kritikoje për mungesën e aftësisë për të parakaluar. Vettel tashmë është kompletuar si pilot dhe sot është e vështirë ta kritikosh për diçka.”
Top Channel
