“Unë jam Gegë”, i Mustafa Nanos
09/10/2013 01:30
Parodia muzikore kundër politikave të kryeministrit, mes këngëve më të dëgjuara në Britani (fotot)
19/12 18:34
“Unë jam Gegë” është libri më i fundit, që analisti i medias, Mustafa Nano, ka nxjerrë në treg, i botuar nga shtëpia botuese e Universitetit Europian të Tiranës.
Autori i parathënies Primo Shllaku e ka cilësuar librin si historologjik, një vështrim analitik mbi gegët dhe toskët.
“Ftesa ishte në përputhje me gjithçka mendoj unë dhe gjithçka bëj unë në kohën e sotme. Libri është kultorologjik, unë mendoj se te ne ka shumë pak libra kultorologjik, ka shumë libra politik dhe letrarë, në thonjëza”, tha Primo Shllaku.
Ndërsa vet autori i librit vlerësoi rolin e personaliteteve të kulturës në këto 100 vjet shtet, për ruajtjen e klimës së mirë të marrëdhënieve gegë-toskë, gjë që nuk u vu re në politikë.
“Rilindasit tanë e kanë nisur aksionin e tyre kombëtarist me apelin gegë e toskë, muslimanë e të krishterë, bëhuni bashkë. Ky lloj apeli tregon se ka pasur një problem midis gegëve dhe toskëve, i cili ka qenë mungesa e madhe e komunikimit”, u shpreh Mustafa Nano.
Libri u promovua përmes një ceremonie të organizuar në ambientet e Universitetit Europian të Tiranës, ku kanë marrë pjesë personalitete të politikës, kulturës dhe medias.
Top Channel
