Elbasan, një javë pa energji
01/10/2013 00:00
Pak muaj pas emërimit në krye të Kadastrës së Vlorës, Genc Deromema jep dorëheqjen 04/11 19:10
80 familje në fshatin Thanë të komunës Gjergjan prej një jave përballen me mungesën totale të energjisë elektrike.
Shkak i kësaj gjendjeje, sipas banorëve, është bërë vjedhja e transformatorit dhe me gjithë kërkesat e tyre pranë CEZ-Shpërndarje, problemi nuk po gjen zgjidhje.
Banorët shprehen se në zyrat e CEZ-it u është premtuar zëvendësimi i transformatorit, por deri tani nuk është bërë asgjë.
Edhe pse janë pagues të rregullt të energjisë elektrike, prej 8 ditësh këta banorë vuajnë errësirën.
Të gjendur në këtë situatë dhe pa asnjë shpresë, banorët kërcënojnë me protesta. Sipas tyre, nëse defekti nuk riparohet deri në orën 17:00 të ditës së martë, do të bllokojnë aksin nacional që lidh Elbasanin me Cërrikun.
Top Channel
