Disa ditë pasi skuadrat tona mësuan emrat e rivalëve të tyre në Champions dhe Europa League, shorti zbardhi këtë të enjte edhe kundërshtarët e kampiones sonë të femrave, Adës së Velipojës.
I mbajtur sot në mesditë, shorti vendosi vajzat tona në grupin e pestë, pasi në Champions e femrave, raundi kualifikues zhvillohet me formatin e tetë grupeve, me katër ekipe secili.
Ada, e pozicionuar në vazon më të ulët të shortit, do të luajë me polaket e Unia Raciburzh, bjelloruset e Bobruchankës dhe ekipin slloven të Pomurjes.
Nje sezon me pare, vajzat tona kampione moren gjithashtu pjese ne raundin kualifikues, por paraqitja e Ades ne edicionin 2012-13 ishte e turpshme, duke arketuar humbje 21-0, 14-1 dhe 11-1, nga rivale ukrainase, qipriote dhe islandeze.
Në datën 24 qershor, goglat përcaktuan kampionët azerë të Neftçit, si rival i Skëndërbeut në raundin e dytë të Champions League per meshkuj.
Gjithashtu, u caktuan kundërshtarët e Teutës, Kukësit dhe Laçit, në raundin e parë kualifikues të Europa League. Tre ekipet tona luajnë përkatësisht me Dacian moldave, Flora Tallinin estonez dhe Diferdanzhin luksemburgas.
Top Channel
