Cesare Prandelli u shpreh i kënaqur me lojën e Italisë në debutimin në Kupën e Konfederatave, por kritikoi sulmuesin Mario Balotelli për faktin se pas golit të fitores hoqi fanellën duke u ndëshkuar me karton të verdhë.
“Nuk mund të festohen kështu golat. Këto kartona të verdhë ndikojnë në vazhdimësinë e turneut. Boll tregoi muskujt pas shënimit”, theksoi trajneri i Italisë.
Prandelli lavdëroi lojtarët e tij dhe në veçanti Pirlon, i cili shënoi gol në ndeshjen e 100 me kombëtaren: “Lujatëm shumë mirë. E dinim se çfarë duhet të bënim. Për Pirlon nuk kam fjalë. Është një shembull për të gjithë.”
Italia mundi Meksikën dhe tashmë kryeson së bashku me Brazilin (3 pikë) grupin A në Kupën e Konfederatave duke lënë pas Meksikën dhe Japoninë.
Top Channel
