Pogradeci çel sezonin turistik
04/05/2013 00:00
Artizani që nuk pushon kurrë! Josif Muça 82 vjeç, ende bën punime druri: Puna është jetë!
13/04 12:45
Qyteti i Pogradecit ka celur sezonin turistik veror me një aktivitet të larmishëm ndërsa duket se sportet ujore do të jenë risia e kësaj vere në këtë liqen.
Qyteti i pozicionuar buzë liqenit ka sjellë përmes aktivitetit punime artizanale, ekspozita në pikturë dhe gatime të vecanta. Nuk kanë munguar as aktivitetet kulturore e ato sportive duke sjellë një gamë të gjerë të gjithckaje që ky qytet mundëson për turistët.
Atmosfera festive ka dominuar për mëse 3 orë ku fëmijë e të ritur kanë kërcyer e kënduar në një ditë feste që ka konfirmuar nisjen e verës.
Nisjen për një sezon veror sa më të mbarë e ka dhënë kryetari i bashkisë Artan Shkëmbi i cili ndër të tjera ka theksuar se qyteti liqenor ka tejkaluar një sërë problematikash duke sjellë rritje të shifrave të turistëve.
Në aktivitetin e përvitshëm ka marrë pjesë edhe kreu i sapozgjedhur i komunës së Strugës Zijadin Sela.
Lëvizja e lirë e qytetarëve dhe mundësia e tyre për të kaluar kufirin me Maqedoninë vetëm me një kartë identiteti e paralelisht me këtë kalimi në shtetin grek me pasaportë duket se e ka shndëruar qytetin e Pogradecit në një pikë ndalimi për turistët të cilët nuk hezitojnë për të vizituar qytetin ku natyra ka harmonizuar gjithcka.
Top Channel
