Daniel Day Lewis, me interpretimin e Abraham Lincoln, mori pothuajse të gjitha çmimet në ceremonitë e mëdha në fillim të këtij viti, por më në fund edhe Bradley Cooper u vlerësua në ceremoninë e ndarjes së çmimeve MTV Movie Awards, në Kaliforni të Shteteve të Bashkuara të Amerikës.
Aktori 38-vjeçar u shpall si aktori më i mirë i vitit 2012 për interpretimin e tij në filmin ‘Silver Linings Playbook’. Gjithashtu ai mori çmimin e puthjes më të mirë.
Aktorja më e mirë u shpall Jennifer Lawrence, po për interpretimin e saj në filmin ‘Silver Linings Playbook’. Lawrence është fituesja e çmimit Oscar në shkurt të këtij viti.
Filmi më i mirë i vitit u shpall ‘The Avengers’.
Aktori më i mirë: Bradley Cooper
Aktorja më e mirë: Jennifer Lawrence
Filmi më i mirë: The Avengers
Dyshja më e mirë e aktorëve: Mark Wahlberg dhe Seth MacFarlane (Ted)
Gjeniu komik: Will Ferrell
Top Channel
