”Shpendi dhe babai? Takimin e vendos babai”

Për të folur për të gjithë ecurinë e deritanishme të Shpendit, e ftuar në studion e “Big Brother Fan Club”, ditën e dielë, ishte e motra e tij e ardhur nga Kosova, Kaltrina Zenuni.

Ashtu siç mund të parashikohej, biseda e udhëhequr nga Albana Osmani dhe opinionisti Olti Curri, u fokusua tek sekreti i zbuluar i Shpendit, ai që për më shumë se një vit tashmë, ka ndërprerë komunikimet me babain e tij.

Në lidhje me këtë mungesë komunikimi, e pyetur për letrën që Shpendi mori në “Big Brother” dhe mënyrën e përjetimit të këtij konfikti jashtë shtëpisë, Kaltrina tha: “E ka pasur atë mosbesim, në lidhje me vërtetësinë e letrës, mbase sepse koheve të fundit është larguar pak dhe ka menduar që se ka përkrahjen tonë, por babi e përkrah çdo moment. Janë 24 orë që shohim tv, me Shpendin zgjohemi e flemë, letra është shumë raale, babi e ka shkruar, por për momentin më shumë prej babit nuk pritet. Shpendi ka përkrahjen e babait, por për takimin vendos babain. Ai thotë që gjërat të mos ekzagjerohen për momentin”.

E pyetur për raportin e Shpendit me ish-gruan e tij dhe zërat se ishtë kërcënuar nga ish-bashkëshortja, me ndërprerjen e kontaktit me të bijën nëse do të hynte në “Big Brother”, Kaltrina pohoi: “Mesazhi ka qenë i vërtetë. Ka raste që me keqardhje, Liza përdoret edhe për afrimitet edhe për kërcënime të ndryshme nga ish-gruaja. Megjithatë, ajo vajzën nuk mund ta ndalojë gjithsesi, edhe sikur të donte me forcë, sepse aq sa i takon asaj i takon edhe Shpendit”.

Motra e Shpendit, komentoi nga “Fan Club” edhe raportin e tij me Eldorën. “Eldora më duket shumë e mirë, shumë e sinqertë dhe shumë e drejtë, por mund të jetë vetëm shoqja e Shpendit. Nisem duke njohur Shpendin që sa vjet dhe shijen e tij. Këtu e kam për shijet estetike, ai preferon diçka tjetër. Me siguri që do të mbeten shoqëri e mirë edhe pas daljes, shoqëri e sinqertë e respekti për Eldorën është maksimal”.

Kaltrina ka edhe diçka, që do të dëshironte që i vëllai të ndryshonte në lojën e tij. “Shpendi është një person shumë i ndjeshëm, po shfaqet shumë mirë, duke luajtur drejtë e me sinqeritet. Por, mbase duhet të sillej pak më ndryshe me disa persona dhe të bëjë disa gënjeshtra ndoshta. Banorët e tjerë mundohen t’ia punojnë e ai, por mirë bën se vlerësohet ky sinqeritet nga publiku”.

Top Channel