Iniciativa “Drejtues për një ditë”

Pas takimit me përfaqësues të të rinjve të këtij rrjeti, kryeministri Berisha përshëndeti pasdite një takim të gjerë të programit, ku vlerësoi angazhimin e energjisë, mendjes dhe vizionit të të rinjve, si forcë pune në sipërmarrjen e lirë.

Kryeministri e konsideroi iniciativën “Drejtues për një ditë”, një mekanizëm shumë të fuqishëm për orientimin e të rinjve drejt tregut të punës.

Programi shërben si një platformë për të ndërlidhur të rinjtë e rrjetit, me drejtues dhe liderë në sektorin publik dhe privat.

Në vitin akademik 2012-2013, programi u lançua në 53 shkolla të mesme të vendit, por kryeministri premtoi se, në të ardhmen, qeveria do ta shtrijë atë në të gjitha shkollat e vendit.

Organizata më e madhe në botë, dedikuar edukimit të të rinjve për aftësim pune, u themelua në Shqipëri në prill të vitit 2012. Partneri kryesor i saj është Fondacioni Shqiptaro-Amerikan për Zhvillim dhe vepron përmes partneritetit zyrtar me Ministrinë e Arsimit dhe Shkencës.

Top Channel