Një i burgosur në një burg të sigurisë së lartë në Pensilvani, SHBA, vrau të mërkurën një gardian, raportuan autoritetet amerikane.
Kjo është hera e parë që një gardian mbetet viktimë në një sulm brenda burgut në më shumë se 5-vjet.
34-vjeçari Eric Williams u sulmua gjatë detyrës me një thikë artizanale dhe ndërroi jetë rrugës për në spital për shkak të hemoragjisë.
Hetimi është marrë përsipër nga FBI, e cila për momentin nuk ka bërë të ditur emrin e vrasësit.
Për herë të fundit, një gardian kishte vdekur duke kryer detyrën e tij në qershor 2008 në Kaliforni.
Drejtori i burgut të Uejmartit, David Ebbert, e konsideroi këtë ngjarje si “ngjarjen më të zezë” të institucionit.
Burgu i sigurisë së lartë në Uejmart nisi të shërbejë në vitin 2005. Që prej atëherë, brenda tij janë vrarë tre të burgosur, nga të burgosurit e tjerë, por kjo është hera e parë që në qendër të sulmit vihet një gardian.
Top Channel
