Kerry: Irani? Ekziston rruga diplomatike
26/02/2013 00:00
Koreja e Veriut lëshon raketë të re balistike e dizajnuar të kërcënojnë SHBA-në 31/10 09:44
Sekretari Amerikan i Shtetit, John Kerry deklaroi se ekzistojnë ende kanalet diplomatike për të zgjidhur cështjen e programit bërthamor iranian.
“Ka një rrugë diplomatike të cilën mund të përshkojmë së bashku me Iranin për programin e tij bërthamor. Dëshiroj që dialogu të vazhdojë më tej dhe që vetë Irani të përcaktojë rrugën që duhet të ndiqet nga diplomacia”, tha Kerry në një konferencë për mediat në Berlin në përfundim të takimit me kryediplomatin gjerman, Guido Vestervelle.
Kerry nisi nga Londra turin e parë të vizitave zyrtare si Sekretar i Shtetit. Ai u ndal fillimisht në Londër e Paris. Në qendër të bisedimeve ka qenë kriza ekonomike në Eurozonë, lufta në Afganistan, Siria dhe programi bërthamor Iranian.
Turi i vizitës së Kerry do të përfundojë në Stamboll ku do të ketë takime me udhëheqësit më të lartë të shtetit turk, një ndër aleatët e SHBA dhe ndër zërat më të fuqishëm për ndërhyrje ushtarake në Siri.
Top Channel
