Bankat drejt përmbarimit
12/12/2012 00:00
Kryenin vjedhje në biznese në Korçë dhe Pogradec, në pranga dy persona, shpallet në kërkim një tjetër 31/10 09:58
Skema e ngjyrave
Madhësia e shkrimit
Në bazë të një studimi të hollësishëm të kryer ndaj shërbimit përmbarimor privat në vendin tonë, Minisria e Drejtësisë konkludon se volumi më i madh i cështjeve që trajtojnë përmbaruesit privatë ka të bëjë me ekzekutimin e kredive të keqia si dhe shlyerja e gjobave të vëna nga gjykatat.
“Nga të dhënat, shumica dërrmuese e rasteve lidhen me kreditë bankare, ku individët kanë dështuar të përmbushin detyrimet dhe kanë lënë garanci sendet. Ka raste që lidhen me ekzekutimin e detyrimeve për dëmshpërblim të kompanive të sigurimit, ka raste që lidhen me detyrimin e pagimit për dëmshpërblim nga marrëdhëniet e punës, ka raste të detyrimeve ushqimore”, thotë Marsida Xhaferrllari, Drejtoreshë e Çështjeve të Drejtësisë.
Së fundmi Ministria e Drejtësisë ka inspektuar 50 përmbarues privatë për të verifikuar se sa ata e përdorin sistemin “Ablis” dhe në bazë të ankesave të qytetarëve.
“Konsistojmë faktin që përmbaruesit nuk përdorinin sistemin elektronik, nuk hidhnin të dhënat, dëmtonin transparencën, bënin të vështirë monitorimin e të dhënave nga ana e Ministrisë së Drejtësisë”, deklaron Xhaferrllari.
Në përfundim janë vendosur gjoba për 20 prej tyre, ndërkohë që ky urdhër i Ministrit të Drejtësisë i firmosur një ditë më parë do të ndryshojë mënyrën si do të inspektohen përmbaruesit privatë, të cilët do të kontrollohen duke plotësuar një formular të veçantë.
Top Channel
