Pa kaluar shumë kohë nga vendimi i Gjykatës së Krimeve të Rënda për
dosjen Remzi Hoxha, dy të akuzuarit e organit te hetimit Avni Koldashi
dhe Arben Sefgjini i jane drejtuar me ankimim Gjykates se Apelit.
Sefgjini dhe Koldashi kundershtojne qendrimin qe mban gjykata duke
pohuar se ata kane kryer veprime te palijgshme por veprat e tyre
amnistohen e per kete gjykimi ndaj tyre pushohet.
Sipas ankimeve në fjalë, avokatet kerkojne nga apeli pafajesi per shkak sepse nuk provohet qe dy personat e mersiperm jane te implikuar ne kete çeshtje dhe jo sepse ata përfitojne nga amnistia e 2007. Por ndersa Sefgjini dhe Koldashi kerkojne ne kete menyre deklarimin te pafajshem, avokati i ish-zyrtarit tjeter te SHIK-ut i shpallur ne kerkim Ilir Kumbaro ka apeluar duke ju referuar nje tjeter problemi sipas tij. Sipas avokatit te Kumbaros, Vojo Bregu ne momentin qe per Ilir Kumbaron i denuar me 15 vjet burg ne mungese gjykata ndryshoi kualifikimin e vepres penale, ne kete çast nuk jane krimet e renda kompetente per gjykimin e veprave penale te kryerjes se veprimeve arbitrare, si dhe te tortures me pasoje vdekjen e biznesmenit Remzi Hoxha.
Nderkohe nga ana e saj Gjykata e Krimeve te Renda ka zbardhur vendimin prej 180 faqesh per kete maratone gjyqesore qe zgjati me shume se kater vjet. Sipas kendvështrimit te gjykates veprimet e te pandehurve Arben Sefgjini, Ilir Kumbaro dhe Avni Koldashi janë kryer në kuadër të detyrës e të funksionit që ata kanë pasur në strukturat e Shërbimit Informativ Kombëtar, të ndërgjegjshëm se po evitonin një rrezik që i kanosej interesave të shtetit shqiptar dhe se qellimi i tyre ka qene te nxjerrin informacion nga tre te demtuarit, pra sipas gjykates ne kete rast nuk behet fjale per rrembim personi por per privimim te lirise”.
Top Channel
