Bushat, lidhen mes tyre katër fshatra
22/11/2012 20:00
“Male spektakolare dhe lugina të egra”, Le Figaro artikull për vendin tonë: Shqipëria, një arratisje e egër 25/04 14:49
Banorët e fshatrave Mali i Jushit, Hoten, Kukel dhe fshati i ri në komunën Bushat, në Shkodër, tashme mes tyre lidhen me një rrugë të re të asfaltuar.
Në këto fshatra jetojnë të paktën 6 mijë banorë, puna kryesore e të cilëve është bujqësia. Rruga, një investim i Fondit Shqiptar të Zhvillimit, lidh këto fshatra edhe me aksin nacional Lezhë-Shkodër.
“Mendoj se është një investim i vlefshëm jo vetëm për ndikimin social-ekonomik, por edhe sepse do t’u japë mundësi lidhjeje me akset nacionale, me komunat e Velipojës e rrjetet e tjera”, deklaron Benet Beçi, drejtor ekzekutiv i Fondit.
Në dy vitet e fundit në këtë rajon janë rikonstrukuar ose janë në proçes zbatimi 80 km rrugë dytësore dhe lokale. Ndërkohë, pritet fillimi i punimeve për rrugën Dajç-Dragushë, Shkodër-Shirokë, rruga nacionale-Dajç dhe rruga bregdetare Velipojë-Shëngjin.
Top Channel
