Nëpërmjet një proteste simbolike para selisë së Komisionit Europian, disa përfaqësues të Aleancës Kuqezi kërkuan kushtëzimin e statusit kandidat ndaj Shqipërisë me largimin e kryeministrit Sali Berisha, si dhe bënë apel për garantimin e vullnetit të qytetarëve në zgjedhjet e ardhshme.
“Niveli i brishtë i demokracisë, militantizmi në administratën publike, niveli i lartë i korrupsionit, aferat mafioze të privatizimeve dhe konçesioneve në Shqipëri nuk duhet të kalojnë pa u shqyrtuar nga Parlamenti Europian. Bashkimi Europian duhet të jetë dëshmimtar i forcës së ndryshimit që shqiptarët kërkojnë në zgjedhjet e vitit 2013”, ka deklaruar Bajram Koboçi, koordinator i AKZ në Belgjikë.
Ndërkohë, rekomandimi i Komisionit kushtëzon dhënien e statusit kandidat nga vendet anëtare me miratimin e ligjit për Gjykatën e Lartë, atë për shërbimin civil dhe ndryshimin e rregullores së Kuvendit, para Këshillit të Dhjetorit.
Përgatiti: Arta Tozaj
Top Channel
