Gjirokastër, lagjja e romëve pa infrastrukturë
08/10/2012 00:00
Mes këngës e valles, Vlora hap zyrtarisht sezonin turistik, edhe pse nuk u mbyll asnjë ditë të vitit
11/05 15:14
Çdo ditë mjete të ngarkuara me orendi dhe objekte shtëpiake mbërrijnë në
lagjen e njohur si lagjia e romëve në Gjirokastër. Qindra banorë të
komunitetit rom po kthehen nga emigracioni për shkak të krizës ekonomike
në shtetin grek.
Ka prej tyre që kanë qenë në emigracion për 20 vjet. Të sapombërriturit nga emigracioni nuk kanë asnjë vend për t’u strehuar. Godinat e dikurshme të ndërtuara për këta banorë gjatë sistemit komunist që dikur i ngjanin një kampi përqëndrimi sot kanë degraduar plotësisht.
Por edhe banorët romë të mbërritur me qindra gjatë verës së këtij viti nuk kanë mundur dot të përshtasin banesat e tyre të dikurshme për të jetuar sepse territori i tyre është zaptuar nga të tjerë ndërsa mungon uji i pijshëm, energjia elektrike, rruga, shërbimet e pastrimit dhe ndricimit.
Mungesa e energjisë duket se është shqetësimi kryesor i kësaj lagjeje, ku aktualisht jetojnë rreth 1000 banorë. Kjo jo për shkak të mospagesës por për shkak të vjedhjes së kabllit të energjisë elektrike. Lagjia e romëve e ndarë nga pjesa tjetër e qytetit të Gjirokastrës nga një përrua i vogël, si për të dëshmuar ndarjen mes dy realiteteve po lihet jashtë çdo vëmendjeje. Këtë hapësirë taksapaguese të qytetit nuk e kane mbështetur asnjehere institucionet e pushtetit vendore.
Top Channel
