Penelope Cruz po xhiron skenat e filmit të saj të ri me titull ‘The Counselor’ dhe nga fotot shihet qartë që aktorja spanjolle është e përqendruar 100%.
Fituesja e një çmimi Oscar ishte e zënë të enjten me xhirimin e një skene të dhunshme në të cilën rrëzohet pas një vrapimi të gjatë për t’i shpëtuar ndjekësit të saj, por pasi ky i fundit e arrin, e godet pa mëshirë me grushta.
Filmi aktualisht po xhirohet në Alicante të Spanjës. Regjizori i tij është Ridley Scott.
Në kastin e aktorëve bëjnë pjesë yje si Brad Pitt, Cameron Diaz, Michael Fassbender dhe Javier Bardem, bashkëshorti i Penelope Cruz. Gjithsesi Cruz ka bërë të ditur se nuk do të ketë asnjë skenë me bashkëshortin e saj në këtë film: “Skenat e mia janë me Michael Fassbender dhe Cameron Diaz.”
Filmi tregon historinë e një avokati, të interpretuar nga Fassbender, i cili përfshihet në trafikun e drogës.
Top Channel
