Joni Peçi: Si realizohet një koleksion mode

“Gjithçka fillon nga idea. Pas idesë vjen skicimi e më pas shihet nëse ia vlen të futet në produksion. Në momentin që dizenjon një veshje duhet të mendosh rehatinë e personit që do ta veshë, larjen, mënyrën e qepjes etj.”, shprehet stilisti i njohur.

“Koleksionet e mia i prezantoj gjithmonë në sfilatat e modës që dy herë në vit i organizoj vetë pasi ende në Shqipëri nuk është biznesi i mirëfilltë i modës. Gjithsesi ata stilistë që duan të punojnë e gjejnë mënyrën për të prezantuar punën e tyre”, thekson Joni Peçi.

“Të futësh diçka në prodhim këtu në Shqipëri duhet një numër i madh porosish dhe kostoja është e lartë. Është vështirë”, shpjegon stilisti.

“Ne influencohemi nga bota sepse ata diktojnë modën. Në Shqipëri nuk ka dalë asnjë stilist që të bëjë modë”, përfundon Peçi.

Top Channel