Francë, gruaja lind pak minuta pas martesës
09/07/2012 17:45
Për herë të parë prindër, çifti i njohur i këngëtarëve shqiptarë japin lajmin e ëmbël 24/11 17:59
Komuna e Jallais në Francë përjetoi një ngjarje shumë të pazakontë të shtunën, kur një grua lindi fëmijën e saj pak minuta pas martesës zyrtare në Bashki.
“U habitëm të gjithë. E pamë që nusja ishte pak e lodhur dhe e stresuar, por menduam se e kishte nga emocionet e martesës. Për këtë arsye unë lexova shumë shpejt”, shprehet për AFP-në kryetari i Bashkisë së Jallais, Jean-Robert Gachet.
Pasi thanë “po”, burri dhe gruaja iu drejtuan shkallëve të Bashkisë për foton tradicionale, por në atë moment nusja nuk u ndje mirë.
Ajo u fut në një nga zyrat e Bashkisë ku lindi fëmijën e saj.
“U emocionuam të gjithë kur dëgjuam të qarat e foshnjes”, shton Gachet.
Top Channel
