Edhe Sean Connery është përgjuar nga “News of the World”. Aktori
historik që ka interpretuar agjentin 007 i ka thënë policisë se celulari
i tij është përgjuar të paktën 10 herë nga e përjavshmja e Rupert
Murdoch.
Emri i Connery rezulton në blloqet e Glen Mulcaire, detektivi privat i angazhuar nga “News of the World” për t’u siguruar skupe gazetarëve.
Aktori skocez bëhet në këtë pikë një nga viktimat më të famshme të skandalit të përgjimeve. Skandali i përgjimeve nga perandoria mediatike e Murdoch ka marrë përmasa të mëdha në Mbretërinë e Bashkuar.
Redaksia nuk ka kursyer askënd për të arritur qëllimet e saj, duke përgjuar përveç yjeve të kinemasë dhe muzikës, edhe familjarët e viktimave të krimeve të ndryshme dhe sulmeve terroriste.
Më herët gjatë muajit, ish-redaktorja e “News of the World”, Rebekah Brooks dhe bashkëshorti i saj, Charlie, u akuzuan nga autoritetet britanike për komplot, me qëllim pengimin e drejtësisë në hetimin e skandalit të përgjimeve.
Top Channel
