Presidenti, politika djeg mundësinë e parë
30/05/2012 00:00
“Do të ankimojmë vendimin”/ Berisha i përgjigjet SPAK: Të bëjnë ç’të duan! 27/11 14:47
Në orën 09:00 parashikohej të mblidhej Komisioni Parlamentar i Ligjeve. Por kjo u zëvendësua nga takimi Patozi-Ruçi që ka zgjatur vetëm pak minuta. Palët nuk ranë dakort për kandidaturën e Xhezair Zaganjorit.
Partia Socialiste ka kundërshtuar kandidaturën e paraqitur nga mazhoranca për President të Republikës. Kreu i Grupit Parlamentar Socialist, Gramoz Ruçi u takua me homologun demokrat, Astrit Patozi në ambientet Kryesisë së Kuvendit.
Pas takimit, përfaqësuesi socialist, ashtu sic edhe ishin premisat, kundërshtoi vendimin e mazhorancës për të paraqitur Xhezair Zaganjorin si kandidat për president, duke e quajtur këtë kandidaturë si të njëanshme e cila s’ka pëlqimin e opozitës.
“Mazhoranca ka vendosur kandidatin në mënyrë të njëanshme por unë ende shpresoj për gjetjen e një kandidati konsensual. Nëse do të ketë apo jo votim të presim se cdo të ndodhë në seancën e parlamentit, nëse do të ketë apo jo votim”, deklaroi Ruçi pas takimit me Patozin.
Pak minuta pas takimit mes krerëve të grupeve parlamentare, Ruçi e Patozi, Komisioni parlamentar i Ligjeve dorëzoi raportin e hartuar me konsensus nga të dyja palët për “ta quajtur votimin të kryer pa asnjë kandidat”.
Top Channel
