Fshati i qershive pa rrugë
20/05/2012 00:00
Fiks Fare/ Pushuesit braktisin Llixhat e Hidrai-t në Elbasan, s’ka infrastrukturë, kanalizime dhe ndriçim
26/04 20:42
Fshati Drobonik, vetëm 2 kilometra larg qytetit të Beratit, është një prodhues i qershive që këto ditë kanë mbushur tregjet e gjithë vendit dhe veçanërisht në kryeqytet.
Por rruga për në këtë zonë është shumë e keqe dhe ndikon direkt në humbjen e shumë të ardhurave që këta fermerë do të merrnin këtë sezon nga pemtaria.
Ata prodhimet e tyre i shesin me 50 lekë, por në tregun e kryeqytetit shiten me 300 lekë. Shkak për këtë rritje të madhe çmimi është edhe rruga e shkatërruar. Këtë vit ka një superprodhim në pemtari, por që nuk po shitet.
“Punëtorët duhen paguar në një kohë që unë prodhimin do e hedh në kanal se nuk kam çfarë të bëj tjetër. Edhe sikur me 30 lekë të më kërkohet qershia unë do e shes. Të paktën të laj punëtorët”, shprehet një fermere e zonës.
Këta fermerë që mundësi të vetme jetese kanë prodhimet në pemtari kërkojnë riparimin e rrugës që lidh fshatin e tyre me akset nacionale.
Një rrugë më e mirë do të ndikonte pozitivisht në uljen e varfërisë dhe rritjen e punësimit.
Top Channel
