Diplomatët mbështesin paradën gay

17 maji eshte Dita Nderkombetare Kunder Homofobise dhe Transfobise, ndaj ambasadori i Vendeve te Uleta Van Den Dool dhe ambasadori amerikan Alexander Arvizu kane pershendetur kete aktivitet, duke kerkuar respektimin e te drejtave te njeriut.

“Gjerat kane ndryshuar shume por ka ende sfida. Ngjarjet e fundit kane treguar se ka ende shume injorance ne lidhje me homoseksualitetin dhe transeksualitetin. Thjesht permendja e çeshtjes se orientimit seksual provokon shaka te keqija, vulgaritet, kanosje dhe kercenime. Une besoj fuqimisht se keto lloj reagimesh burojne nga frika dhe paragjykimi. Dhe keto te dyja burojne nga mungesa e te kuptuarit dhe mungesa e informacionit”, tha ambasadori holandez, Van Den Dool.

“Dua te pergezoj Kryeministrin Berisha qe e ka bere tejet te qarte poziten e qeverise se Shqiperise, për të drejtat e LGTB-së. Dua te falenderoj edhe Policine Shqiptare per te gjitha aktivitetet e zhvilluara kete jave si dhe ate qe ndodhi ne Vlorë. Mbrojtja e te drejtave te LGTB-së eshte nje prioritet kyc per politiken e jashtme te Shteteve te Bashkuara. Presidenti Obama leshoi nje direktive qe ambasadat ne mbare boten te mbrojne dhe mbrojnë të drejtat e personave LGTB”, tha ambasadori amerikan Arvizu.

Ky aktivitet eshte pershendetur nga Avokati i Popullit, zevendësiministrja e Punes dhe perfaqesues te tjere te Bashkimit Europian. Me heret ne nje konference per shtyp Altin Hazizaj ka theksuar se shqiptaret jane ende homofobikë.

“Kuvendi i Shqipërisë duhet të shikojë mundësinë që sa më parë të miratojë ndryshimet që adresojnë përdorimin e gjuhës së urrejtjes dhe nxitjen e krimeve kudnër komunitetit LGTB dhe cdo komuniteti tjetër në Shqipëri. Ne ftojmë politikanët, partitë politike, administratën, të marrin masa serioze për të ndërtuar kapacitetet e stafeve të tyre për të mbrojtur dhe për të respektuar të drejtat e komunitetit LGTB”, tha Hazizaj.

Myslimanët kundër LGTB

Në kohen kur komuniteti LGBT po zhvillonte aktivitete me rastin e Ditës Ndërkombëtare të tyre , Forumi Mysliman Shqiptar ka zhvilluar një manifestim në mbrojtje të vlerave të familjes të shoqerise shqiptare.Ata jane shprehur kunder komunitetit LGBT ne Shqiperi.

“Homoseksualizmi është një nga mëkatet më të rënda, të cilën Zoti i Madhëruar e ka dënuar në mënyrën më të ashpër. E gjitha shoqëria shqiptare duhet të jetë kundër, sepse është kundër traditës dhe moralit shqiptar”, tha Fisnik Kruja, nga Forumi Mysliman Shqiptar.

Myslimanet shprehen kunder mbeshtetjes qe i dhane disa ambasada komunitetit LGBT, ne Diten Nderkombetare te ketij komuniteti.

“Ne nuk mendojmë se futja e shqiptarëve në Bashkimin Evropian duhet bërë me flamurin e homoseksualizmit”, tha Kruja.

Aktivitetet ne Diten Nderkombetare te Komunitetit LGBT kane ngjallur debate dite me pare, perveç njerezve te thjeshte edhe ne radhet e politikaneve.

Top Channel