Rrymat detare dhe mostrajtimi i mbetjeve urbane ne vend po shkaktojne situata emergjente mjedisore ne bregdetin e Adriatikut.

Zona e Currilave dhe shetitorja bregdetare jane zgjuar, kete marte, nen pushtetin e plehrave. E njejte ka qene situata ditet e fundit edhe ne plazhin e madh te Durresit. Sasi te konsiderueshme mbetjesh urbane jane nxjerre nga rrymat detare ne breg, duke krijuar pirgje mbeturinash pergjate brigjeve te Adriatikut, pasoje e prurjeve te shumta te lumenjve gjate diteve me reshje.

Situata shfaqet e renduar dhe punonjesit e ndermarrjes se pastrimit ne Durres ashtu si dhe ato te ndermarrjes komunale te plazhit kane nisur pastrimin e ketyre mbetjeve nga shetitorja bregdetare dhe plazhet. Pushtimi i bregdetit te Adriatikut nga plehrat eshte rrjedhoje e mostrajtimit te mbetjeve urbane ne vend, situate qe vleresohet nga kreu i Agjencise Rajonale te Mjedisit Durres, si pertej fuqive te njesive vendore dhe kerkon nderhyrjen e Qeverise.

Prej vitesh lumenjte dhe grykederdhjet e tyre jane shnderruar ne vend-depozitim per mbetjet urbane te fshatrave dhe qyteteve te medha neper te cilat keto lumenj rrjedhin. Ne Jug dhe Veri te Durresit derdhen perkatesisht lumejte Shkumbin, Seman, Erzen, Ishem dhe Mat.

Bashke me to shkarkohen ne det dhe tonelata te tera mbeturinash, perfshire ketu dhe sasi te konsiderueshme ujerash industriale,kimikate dhe detergjente te ndryshem, qe po shkaterrojne dalengadale ekosistemin.
 

Top Channel