Avokati: Djali i Gaddafit po torturohet

Në një deklaratë, grupi i avokatëve lajmëronte se djali i ish-diktatorit po mbahet në një izolim thuajse të plotë, ndërsa paraushtarakët që e ruajnë nuk kanë asnjë respekt ndaj të drejtave të tij thelbësore, përfshi atë të respektimit të lirisë së letërkëmbimit e takimeve të rregullta me avokatin mbrojtës.

Gjithashtu, në deklaratë konsiderohej si e palogjikshme tentative nga drejtësia siriane për të gjykuar al-Islamin edhe për disa krime të vogla, përfshi dhënian e liçensave të parregullta për peshkim apo për drejtimin e gamileve, gjatë kohës që ai kishte funksione qeveritare.

Akuza kryesore që rëndon mbi al-Islamin është ajo e krimeve kundër njerëzimit dhe autorizimit të masakrave në masë, gjatë fundit të regjimit të kolonel Gaddafit.

Pavarësisht kërkesës së Hagës për ta gjykuar në Gjykatën e Krimeve Ndërkombëtare, Tripoli këmbëngul në të drejtën e tij për të vendosur djalin e ish-diktatorit përpara drejtësisë vendase.

Djali i Gaddafit do të gjykohet në Libi

Libia i është përgjigjur negativisht kërkesës së Gjykatës Ndërkombëtare të Hagës për ekstradimin e djalit të ish-diktatorit Gaddafi, Saif al-Islam.

Në një deklaratë zyrtare, Tripoli theksoi se “ai do të qëndrojë në vend, për t’u përballur me drejtësinë libiane për akuzat e ngritura ndaj tij”.

Saif al-Islam kërkohet nga Haga për akuzat e shtypjes së dhunshme të lirisë për të protestuar gjatë revoltës së 2011-s dhe për krime kundër njerëzimit.

Megjithatë, autoritetet e përkohshme libiane këmbëngulin se është e një rëndësie thelbësore për vendin që 39-vjeçari të gjykohet në Libi. Al-Islam është i vetmi djalë i diktatorit i përfshirë direkt me revoltat ende në jetë dhe dënimi i tij në vend konsiderohet si një akt shumë i rëndësishëm për ndarjen përfundimtare me të shkuarën.

Aktualisht, al-Islam mbahet në një vend të panjohur nga grupe të rebelëve të Zintanit. Ai është ankuar disa herë në grupet e të drejtave të njeriut se të drejtat e tij si i burgosur janë shkelur, përfshi e drejta për të patur kontakte të rregullta me një avokat.

Haga: Libia të dorëzojë Saif Gaddafi-n

Gjykata Ndërkombëtare Kriminale i ka kërkuar autoriteteve libiane që të dorëzojnë Saif Al Islamin, djalin e ish-diktatorit Muammar Gaddafi, i cili kërkohet nga Haga për krime kundër njerëzimit.

Saif Al Islami u kap në nëntor të vitit të shkuar në jug të Libisë ndërsa përpiqej t’ia mbathte ne Niger. Sipas Gjykatës së Hagës tashmë Libia duhet të marrë masat e duhura për të dorëzuar Saif al Islamin, i cili dyshohet se është keqtrajtuar që nga kapja e tij.

“Saif al Islami gjendet në një boshllëk ligjor dhe është mbajtur rob për 139 ditë në izolim të plotë, me përjashtim të vizitave nga zyrtarët libianë”, kështu deklaruan avoktatët e tij të caktuar nga Gjykata e Hagës.

“Autoritetet libiane nuk kanë mundur të justifikojnë në asnjë pikëpamje ligjore refuzimin për ta dorëzuar Gaddafin në duart e gjykatës së Hagës-deklaruan avokatët Ksavier-Zhan Keita dhe Melinda Teljor.

Por, autoritetet libianë thonë se do ta gjykojnë Saif al Islamin në Libi dhe nuk kanë ndërmarrë asnjë hap për t’ia dorëzuar atë Hagës.

Top Channel