Sukses i mjekëve në QSUT

Romeo ka kryer një ndërhyrje kirurgjikale dhe përveç një fytyre normale prej të cilës nuk do t’i largohen më fëmijët e tjerë, tashmë do të ketë pranë edhe mamanë e tij që është rikthyer.

Ajo thotë se e brkatisi për shkak të traumas. “Lamë spitalin dhe pastaj e mori vjehrra, se mua më erdhi keq ta merrja ashtu”, thotë e ëma e Romeos.

Pas disa ditësh i braktisur në maternitet, Romeon e ka marrë  gjyshja e tij, e cila bashkë me fëmijën e vogël ka vijuar të lypë rrugëve. Ndoshta ka qenë zona ku kishte zgjedhur për të lypur gjyshja, pranë një shkolle, çka bëri që Romeo të shpëtonte nga ai defekt.

Psikologia e shkollës ka ndihmuar që ky fëmijë të shpëtojë nga ai defekt i lindur, duke e ndihmuar gjyshen që ta sillnin femijën për ndërhryje në Tiranë. Mjekët thonë se, e kryer në këtë moshë ndërhyrja konsiderohet e vështirë.

“Këto janë operacione të vështira, që bëhen kryesisht pas lindjes, por u bë pas 2 vitesh pasi kishte arsye speciale. Janë ndërhyrje të vështira dhe ndihen pas operacionit”, tregon kirurgu masko-facial Ramazan Isufi.

Drejtori i QSUT, Saimir Ivziku vlerësoi punën e mjekëve të QSUT, duke përfshirë sukseset e tyre në shumë ndërhryje të vështira.

“Së pari do më lejoni të shpreh vlerësimin maksimal për ekipin mjekësor. Një vëmendje shumë e madhe iu kushtua rastit në fjalë dhe është shumë e rëndësishme që ndërhyrja ka dalë shumë mirë”, tha Ivziku.

Romeo i vogël falë kësaj ndërhyrjeje të suksesshme u gëzon tashmë dy të mirave surprizë në jetën e tij në vazhdim.

Top Channel