Çmimi i siguracionit të makinave
13/03/2012 00:00
Shiu i lë vendin diellit! Parashikimi i motit për sot dhe nesër 20/04 07:05
Drejtuesit e automjeteve shumë shpejt do nuk do e blejnë më me çmim të
njejte siguracionin e automjeteve, por do të paguajnë sipas rrezikut që
ata kanë.
Autoriteti i Mbikëqyrjes Financiare, njoftoi se drafti që po punohet me Bankën Botërore do të jetë gati në shtator.
“Edhe çmimi që do t’i vendoset siguracioneve të makinave do të jetë shumë i detajuar. Do të ketë të gjithë komponentët e riskut, që nga zona gjeografike, mosha e të siguruarit, kapaciteti i motorrit, historiku i dëmeve. Duke e mbyllur në këtë mënyrë çmimi do të jetë ai i duhuri”, tha kryetarja e Autoritetit Enkeleda Shehi.
Kryetarja e AMF-së thotë se mënyra e re e përllogaritjes së cmimeve do të përmirësojë edhe raportin e dëmeve që paguajnë shoqëritë e sigurimeve, i cili u përkeqësua për të tretin vit radhazi.
Kryetarja e AMF-së i bëri këto deklarata gjatë raportimit vjetor në Komisionin Parlamentar të Ekonomisë.
Top Channel
