Marina daneze kundër piratëve somalezë
28/02/2012 16:55
Angela Merkel… multimilionere me botimin e kujtimeve! 26/11 09:27
Një operacion i marinës daneze që synonte lirimin e 18 pengjeve që mbaheshin nga piratët somalezë në brigjet e Somalisë, ka shkaktuar vdekjen e 2 pengjeve dhe palgosjen e dy të tjerëve.
Lajmi u njoftua nga vetë marina daneze e cila saktësoi se luftë-anija Absalon, në datën 27 shkurt ka pikasur në ujëra ndërkombëtare një anije pirate e dyshuar, në të cilën dyshohej se mbaheshin peng disa shtetas të huaj.
Luftë-anija Absalon është vënë në ndjekje të anijes pirate dhe pasi e ka arritur atë ka ndërmarrë operacionin për lirimin e pengjeve. Por piratët rezistuan dhe nga përleshja me armë 2 pengje mbetën të vdekur, ndërsa dy të tjerë u plagosën lehtë.
Për momentin nuk dihet kombësia e pengjeve të vrarë, ndërkohë që marina daneze njoftoi se nuk bëhej fjalë për shtetas të Danimarkës.
Top Channel
