Zinxhir njerëzor kundër Putin
26/02/2012 09:15
Ministrat e G7-ës takohen në Itali për të diskutuar për konfliktet 25/11 09:40
Një manifestim gjigant kundër Putin mbahet ditën e dielë në Moskë, në atë që është protesta e katërt madhore që prej nisjes së fushatës presidenciale.
Një zinxhir njerëzor i përbërë nga dhjetëra mijëra persona u formua, ndërsa në rresht për një protestuesit realizuan një unazë gjigante në kryeqytetin rus.
Lëvizja vjen vetëm një javë përpara mbajtjes së zgjedhjeve presidenciale, ku kryeministri Putin kërkon një mandat të tretë në krye të Kremlinit, pas atyre të realizuar në vitet 2000-08.
Zinxhirat njerëzorë janë parë për herë të parë në lëvizjet që sollën pavarësinë në vendet balltike në vitet 1989, kur atëherë protestohej ndaj Moskës për dhënien e pavarësisë.
Pavarësisht kundërshtive në rritje brenda vendit dhe polemikave për zgjedhjet parlamentare jashtë standarteve, të mbajtura në fillimin e vitit, Putin duket se ka një avantazh të qartë ndaj të gjithë rivalëve të tjerë.
Një sondazh i kryer më parë gjatë javës tregoi se aktualisht 59-vjeçari zotëron 65% të preferencave, i ndjekur nga komunistët, kandidati i të cilit pritet të sigurojë rreth 20% të votave.
Top Channel
