Philippe Coutinho, që nga e hëna, nuk do të jetë më pjesë e Interit sepse do të huazohet tek Espanyol.
Organizatori brazilian kishte kërkuar më shumë hapësira në formacion për të mos humbur thirrjen në kombëtaren e Brazilit për Lojërat Olimpike.
Në këtë mënyrë Interi ka vendosur ta dërgojë në Spanjë Coutinho-n dhe deri në fund të sezonit ai do të luajë në Katalonjë. Interi në fakt beson tek aftësitë e futbollistit të rid he për këtë arsye ka vendosur ta dërgojë në një skuadër tjetër me formulën e huazimit.
Ndërkohë, pritet edhe një rritje e ofertës (mbi 10 milionë euro) nga ana e Paris Saint Germain për Thiago Motta. Deri tani francezët kanë ofruar 8, por të martën mund të zgjidhet gjithçka dhe braziliani me pasaportë italiane mund të transferohet në kryeqytetin francez.
Top Channel
