Telenovela Tevez është shumë pranë fundit. Sipas ‘La Gazzetta dello Sport’, Carlos Tevez dhe Manchester City kanë arritur marrëveshjet përkatëse me Paris Saint Germain dhe mungon vetëm konfirmimi zyrtar i dy klubeve.
PSG do të paguajë tek klubi anglez për të marrë shërbimet e sulmuesit argjentinas plot 37 milionë euro , ndërsa vetë Tevez do të paguhet 11 milionë euro në sezon.
Më parë, klubi francez kishte ofruar 7 milionë euro rrogë për futbollistin, por në takimin e sotëm mes agjentit të Tevez dhe Leonardos (drejtorit sportiv të PSG) gjithçka është zgjidhur.
Tevez do të luajë në kryeqytetin francez deri në vitin 2015.
Top Channel
