Ricky Alvarez, njeriu i momentit tek Interi, po përgatitet për derbin e tij të parë në San Siro.
“Milani mund të jepet favorit nga gazetarët, por ne mund ta mundim. Jam i sigurtë se nëse Interi luan ashtu siç di mund të fitojë këtë ndeshje”, ka theksuar argjentinasi në një intervistë për ‘Repubblica’.
“Duhet të sulmojmë mirë dhe të mos vuajmë kundërsulmet e tyre. Dua ta shijoj këtë derbi nga minuta e parë deri tek e fundit, qoftë në pankinë apo në fushë”, shtoi Alvarez.
Nga ana e tij, trajneri i zikaltërve, Claudio Ranieri, është shprehur se presioni në derbin e Madoninës do të jetë i gjithi mbi Milanin.
“Për Interin nuk do të ndryshojë asgjë nëse nuk fitojmë sepse i rëndësishëm për ne do të jetë derbi i fazës së dytë. Atëherë do të shohim se ku do të jemi”, deklaroi Ranieri për ‘Corriere della Sera’.
“Si ndalohet Ibrahimovic? Do të mundohemi në njëfarë mënyre, por më shumë se sa ta ndalojmë do të përpiqemi ta frenojmë ose ta bllokojmë me anë të skemave”, shtoi tekniku.
Top Channel
