Halimi: Reforma në drejtësi kërkon konsensus
13/12/2011 09:50
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Ka nisur në Tiranë konferenca e shërbimit të proves, e drejtuar nga ministri i Drejtësisë, Eduart Halimi, i cili e ka vënë theksin tek rëndësia e reformës zgjedhore.
“Për reformën në drejtësi duhen edhe ligjet me tre të pestat. Gjithashtu, në këtë drejtim është e rëndësishme ndihma dhe sinjalet e ndërkombëtarëve”, ka deklaruar Halimi.
Më tej ministri i Drejtësisë ka vlerësuar si një mekanizëm të suksesshëm të reformës në drejtësi dënimin alternativ.
Ai ka hedhur poshtë duke cilësuar si të papranueshme krahasimin dhe etiketimin e një gjykate të tërë me në bandë kriminale.
Reforma në drejtësi është një ndër kriteret kryesore që i paraqitet vazhdimisht Shqipërisë nga faktori ndërkombëtar për të ecur përpara në rrugën e integrimit evropian.
Në një letër të hapur që eurodeputetët Eduard Kukan dhe Hannes Swoboda i drejtonin kryeministrit Berisha dhe kryetarit të opozitës Rama në fund të muajit të kaluar, reforma në drejtësi konsiderohej një domosdoshmëri.
Po muajin e kaluar ambasadorja britanike në Tiranë, Fiona Makwlluem deklaroi gjatë një takimi në Shkollën e Magjistraturës, se drejtësia e fortë dhe e pavarur është një kusht për të ecur përpara drejt BE.
“Shteti i së drejtës dhe drejtësia janë në themel të vlerave të Mbretërisë së Bashkuar dhe BE-së dhe zemra e një demokracie funksionale dhe të suksesshme. Një sistem gjyqësor i fortë dhe i pavarur është një kërkesë që Shqipëria të perparojë në rrugën drejt anëtarësimit në BE”, deklaroi ajo.
Gjithashtu, një konferencë për drejtësinë u zhvillua në Tiranë një javë më parë, ku morën pjesë ekspertë për të diskutuar mbi ndryshimet kushtetuese.
Ish-presidenti i Republikës, Alfred Moisiu tha se ndryshimet më të vonshme kushtetuese u bënë në vitin 2008, vetëm nga 2 parti politike, gjë që sipas tij nuk është e drejtë.
Top Channel
