Michael Bay i kthehet kursimit

Sipas “Variety”, regjisori ka në plan të angazhojë aktorët Dwayne Johnson dhe Mark Wahlberg për prodhimin e ri dhe duket se këta të dy janë dakord për projektin.

Bëhet fjalë për një projekt të cilin Bay e ka pasur pasion prej kohësh. “Pain and Gain” bazohet në historinë e vërtetë të një grupi atletësh bodybuilding, që përfshihen në një organizatë kriminale në Florida.

Gjithësesi, fjala e fundit nuk është thënë ende, pasi Johnson dhe Wahlberg aktualisht janë të angazhuar me filma të tjerë.

Johnson do të shfaqet së shpejti në “Journey 2: The Mysterious Island” dhe “G.I. Joe: Retaliation”, ndërkohë që aktualisht ndodhet në sheshin e xhirimeve për “Snitch” dhe më vonë do të jetë gati për “Fast Six”.

Ndërsa Wahlberg do të shfaqet në ekranet e kinemasë vitin e ardhshëm me “Contraband”, ndërsa tani po merr pjesë në xhirimet e “Broken City”.

Përvec sagës “Transformers”, regjisori Michael Bay është i njohur për filmat e tij me aksion dhe adrenalinë, që nga “The Rock” dhe “Conair” në vitet 96-97, deri tek “Gone in Sixty Seconds”, “The Island”, “Bad Boys” 1 dhe 2, etj.

Top Channel