Prishtinë, reagim pas dhunimit të varreve hebraike
29/11/2011 21:20
Prokuroria nis hetimet ndaj ish-presidentit malazez, shkak intervista e Gjukanoviç pas arrestimit të zyrtarëve 26/04 21:51
Shoqata e Solidaritetit Shqiptaro-Hebre, përmes një deklarate për media ka reaguar ashpër pas përdhosjes që iu është bërë varrezave hebraike në lagjen Velania, në Prishtinë, me vizatimin e simboleve naziste mbi to.
“Këta shembuj të racizmit dhe urrejtjes nuk kanë vend asnjëherë në shoqërinë kosovare, një shoqëri që në të shkuarën ka vuajtur vetë veprimet e dhunës e shovinizmit”, thuhet në deklaratën e përcjellë nga “Telegrafi”.
Në dokument, kërkohet ndërhyrja e autoriteteve për të vendosur përpara ligjit autorët e kësaj ngjarje të shëmtuar. “Ftojmë qeverinë e Kosovës dhe institucionet e tjera të ndriçojnë ngjarjen e antisemitizmit dhe paragjykimeve raciste me rastin e përdhosjes së varrezave hebraike në Velani, me simbole naziste. Këto episode nuk mund të merren me shaka, por duhet të trajtohen si vepra barbare dhe të ndëshkohen si të tilla”.
Top Channel
