Policia sekuestron 27 automjete
27/11/2011 14:50
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Gjatë një operacioni “Vjeshtë 2011 I”, policia arriti të bllokojë 27 automjete të vjedhura si edhe arrestoi katër persona të armatosur që posedonin armë të tipit pistoletë.
Operacioni i nisur në rang vendi pati si qëllim bllokimin dhe sekuestrimin për automjetet e vjedhura dhe të trafikuara. Gjate një komunikimi për mediat, policia sqaroi se u verifikuan 432 automjete të ndryshme, nga të cilat verifikimi në sistemin e Interpolit nxorri se 27 prej tyre ishin të vjedhura jashtë vendit.
Gjithashtu janë bllokuar dhe 25 automjete të tjera, të cilat nga verifikimet e kryera kanë rezultuar me mangësi në dokumentacion. Numrin më të lartë të automjeteve të vjedhura jashtë, por te bllokuara nga policia, rezultoi ta kishte qarku Berat.
Nga verifikimet e kryera në sistemin e Interpolit këto automjete rezultonin të vjedhura kryesisht në Itali, Kroaci, Bullgari, dhe Serbi.
Ndërkohë që njëra prej tyre ishte vjedhur në Afrikë të Jugut.
Top Channel
