CEZ njofton ndërprerje dritash për tre javë
23/11/2011 08:30
Mbyllen aplikimet për bujqësinë/ Shtohen kërkesat e fermerëve për mbështetje në Korçë e Fier
18/04 16:00
Monopoli privat i shpërndarjes së energjisë elektrike CEZ Shpërndarje, njoftoi të martën se do të ndërpresë furnizimin me drita për dy-tri orë në ditë për tre javët e ardhshme në disa lagje perëndimore dhe veriore të Tiranës si pasojë e disa punimeve në rrjet, bën të ditur gazeta ‘Shqip’.
“Për shkak të punimeve që po kryhen në nënstacionin Dinamo, për riparimin e një transformatori të djegur, do të ketë ndërprerje të alternuara të energjisë për disa zona të Tiranës,” – njoftoi CEZ.
Sipas kompanisë këto ndërprerje, që do të vazhdojnë deri nga mesi i Dhjetorit, 2011, do të jenë të alternuara dhe do të zgjasin 2-3 orë në ditë.
Zonat që do të preken nga ndërprerjet e alternuara të energjisë janë: një pjesë e Laprakës, një pjesë e Rrugës Jordan Misja, Kodër Kamëz, Paskuqan, Babrru dhe Bregu i Lumit.
Top Channel
