Serbi, operacion anti-krim, 14 të arrestuar
22/11/2011 00:00
“Duhet të dëbohen”/ Familja shqiptare në jug të Serbisë në shënjestër të një fushate përndjekëse 20/02 08:05
Policia serbe ka arrestuar 14 persona të dyshuar për trafik të emigrantëve ilegalë drejt vendeve të Evropës perëndimore.
Një zyrtar i policisë serbe, i cituar nga “REL”, ka deklaruar se arrestimet janë kryer në disa qytete të Serbisë.
Sipas burimit, gjatë operacionit forcat e policisë gjetën dhe sekuestruan në banesat e të dyshuarve armë, drogë dhe para.
Gjithashtu, ditën e martë policia kufitare serbe zbuloi dhe ndaloi 12 emigrantë klandestinë që do të hynin në Serbi nga Maqedonia.
Serbia dhe gjithë rajoni i Ballkanit në tërësi konsiderohet si një nga rrugët kryesore për kalimin tranzit të emigrantëve klandestinë, kryesisht nga Lindja e Mesme dhe Afrika, drejt vendeve të BE-së.
Serbia ka premtuar se do të ulë shkallën e krimit të organizuar, në një moment kur vendi synon të afrohet më shumë me Bashkimin Evropian.
Top Channel
