Ajri në Tiranë, i ndotur
15/11/2011 16:20
Shfrytëzimi i fëmijëve/ Raporti i CRCA: Mbi 60 mijë janë viktima të dhunës seksuale online në vendin tonë
24/11 12:47
Organizata Botërore e Shëndetësisë ka ripërsëritur shqetësimin e saj se në Shqipëri, në qytetet kryesore e vecanërisht në Tiranë, nivelet e ndotjes së ajrit janë disa herë më shumë se normat e lejuara të Bashkimit Europian.
Në studimin më te fundit të OBSH dhe Institutit të Shëndetit Publik, në Tiranë grimcat e pluhurit në ajër janë 3-4 herë më shumë se norma e BE.
Sipas ekspertit të OBSH, Mihal Krizanovski, si pasojë e ndotjes së ajrit, në Shqipëri vdesin cdo vit nga sëmundjet e rënda të mushkërive 500 persona.
OBSH ka kërkuar nga instituticionet shqiptare të marrin masa urgjente për përmirësimin e cilësisë së ajrit në Tiranë e qytetet e mëdha pasi po vihet re një rritje e sëmundshmërisë, sidomos e kancereve në mushkëri.
Ndryshe nga herët e tjera, kur alarmi i OBSH binte në vesh të shurdhër, qeveria ka pranuar se moszbatimi i planit të veprimit ka ardhur si pasojë e politizimit të këtij problemi.
Zv/ministri i Mjedisit, Taulant Bino ka pranuar se nuk bëhet fjalë vetëm për bashkëpunim me pushtetin vendor, por dhe për bashkëpunim ndërministror, si Ministria e Transportit dhe e Ekonomisë dhe Energjetikës.
Në takim merrnin pjesë dhe Ministri i Shëndetësisë Petrit Vasili dhe nënkryetari i bashkisë Edmond Panariti.
Të gjithë të pranishmit ranë dakord për nisjen sa më parë të bashkëpunimit për zbatimin e masave që do të sjellin reduktimin e ndotjes së ajrit.
Top Channel
