Sheshi “Skënderbej” do të hapet të hënën për qarkullimin e automjeteve me qëllim shfryrjen e trafikut në kryeqytet.
Sipas një itinerari të hartaur nga bashkia, automjetet që vijnë nga rrugët kryesore si rruga e “Durrësit”, rruga e “Kavajës, ajo e Dibrës do të futen në shesh me një korsi dhe dalin nga sheshi
”Skënderbej” me dy korsi dhe menaxhohen me semaforë.
Në të gjitha rrugët brenda unazës së vogël do të ketë ndalim qëndrimi 24 orë në të dy krahët e tyre.
Me ristrukturimin e sheshit “Skënderbej” do të ketë dhe disa ndryshime të stacioneve të linjave urbane. Autobuset e linjës Kinostudio – Kombinat dhe ish-uzina Dinamo-Sharrë do të qëndrojne tek stacioni përballe teatrit të kukullave.
Linja Tirana e re qëndron në krah të 15 katëshit dhe Muzeut Kombëtar. Linja e Laprakës dhe instituti bujqësor do të qëndrojnë përpara Muzeut Kombëtar, ndërsa për linjat e tjera nuk ka ndryshuar vendqëndrimi.
Ndonëse do të lejohet qarkullimi i automjeteve, sipas bashkisë punimet do të vazhdojnë me ndricimin e sheshit “Skënderbej” dhe vendosjen e spoteve në trotuare, përfundimin e veshjeve të shkallëve tek Muzeu Kombëtar dhe Pallati i Kulturës.
Top Channel
