Miss Bota, fiton Venezuela
07/11/2011 00:00
“Nuk po kthehem më tek ai…” Kate Cassidy shpërthen në lot teksa rikthehet në shtëpinë ku jetonte me Liam Payne 08/02 18:12
Ivian Sarcos, bukuroshja nga Venezuela, është shpallur Miss Bota 2011. Spektakli i zhvilluar në Londër ka patur pjesëmarrjen e 120 vajzave nga vende të ndryshme të botës.
Shoqëruesja e parë e Miss-it u shpall përfaqësuesja e Ishujve Filipine, Gwendoline Ruais, ndërsa shoqëruesja e dytë Amanda Perez nga Porto Riko.
3 vajzat u zgjodhën midis 7 finalisteve të mbrëmjes që ishin Venezuela, Ishujt Filipine, Porto Riko, Korea e jugut, Afrika e Jugut, Skocia dhe Anglia.
Fituesja e Miss Botës është 21 vjeç dhe vjen nga një familje me 12 fëmijë. Sarcos tashmë do të kalojë një vit duke u marrë me projekte bamirësie rreth e rrotull botës.
Sipas organizatorëve, ky konkurs bukurie është ndjekur nga rreth 1 miliard teleshikues në të gjithë botën dhe edicioni i ardhshëm do të zhvillohet në Kinë.
Përfaqësuesja e Shqipërisë në këtë konkurs ishte 18-vjeçarja Isi Topçiu.
Top Channel
