Irlanda tërheq ambasadën nga Vatikani

Megjithatë, burimet zyrtare theksojnë se kjo lëvizje motivohet vetëm nga një paketë shtrënguese masash, për të korrigjuar defiçitin e lartë në vend. Sipas raportimit, nga buxheti i shtetit do të kursehen 1,25 milion euro në vit, nga mbyllja e përfaqësive pranë Selisë së Shenjtë, në Iran dhe Timorin Lindor.

Më parë gjatë vitit, një klerik i lartë në qytetin e Korkut përfundoi nën pranga, si i dyshuar në një skandal seksual me minorenë, por Vatikani e ka kundërshtuar ashpër lëvizjen e Dublinit, duke theksuar se arrestimi është kryer pa patur prova të mjaftueshme.

Burime nga Vatikani, i cili ndonëse kufizohet brenda qytetit të Romës gëzon statusin e një shteti sovran, bëjnë të ditur se i dërguari diplomatik në Irlandë do të thirret në qendër, për të biseduar mbi mënyrën se si do të përgjigjet Selia e Shenjtë. Është e mundur që Vatikani të tërheqë gjithashtu të ngarkuarin me punë në Dublin.

Top Channel