Emisionet e reja në Top Albania Radio

Cdo të mërkurë, nga ora 10.00 deri në 12.00, në valët e Top Albania Radios do ju shoqërojë emisioni ‘Sokol Balla Live’.

“Ndryshe nga televizioni ku jam i “dënuar” të merrem vetëm me politikë, në këtë emision do të merrem edhe me tema të tjera siç mund të jenë probleme sociale. Këto probleme do të thellohen në këtë emision me mundësitë që të jep radioja, ku ke të ftuar, telefonata, komunikim me mesazhe dhe e-mail me dëgjuesit. Besoj se si gazetar më është dhënë mundësia të hulumtoj edhe në fusha të tjera”, shprehet Balla.

E shtuna vjen ndryshe në radion më të madhe në vend. Alban Dudushi i rikthehet radios por tani me një ‘Triçikël’.
 
“Do të kem dy bashkëpunëtorë në emision. Do të ketë informacion, debate të lehta, telefonata, të ftuarit do të jenë në linjë telefonike. Ky emision është për të gjitha moshat”, thekson Alban Dudushi.

Për të gjithë ata që nuk kanë të ngopur me batuat Sajmirit dhe Doktorit, tani ka një mundësi më shumë. Në Top Albania Radio ata do të jenë prezent edhe për nostalgjikët e ‘Radio Manisë’.

Sajmiri dhe Doktori shprehen: “Do të jetë një rikthim sepse historia jonë ka filluar në radio. Jemi pjekur më shumë, vijmë nga një emision i suksesshëm si Fiks Fare. Do të jetë një miksim i “Fiks Fare” me “Radio Maninë”.

Top Channel