Putin: Pamjet me Gaddafi-n, të neveritshme
26/10/2011 19:00
Mediat: Soros paguan studentët radikalë për të nxitur urrejtje në protestat pro dhe kundër Palestinës në SHBA (fotot)
27/04 21:53
Kryeministri rus Vladimir Putin i ka cilësuar si të neveritshme pamjet e momenteve të fundit të jetës së Gaddafi-t, të transmetuara në televizione.
“Pothuajse të gjithë anëtarët e familjes Gaddafi janë vrarë, kufoma e tij u tregua në të gjitha kanalet televizive botërore, ishte e pamundur të shihje pa neveri”, ka deklaruar Putin.
Kryeministri ka komentuar edhe fundin e diktatorit libian, por ka shmangur deklaratat politike lidhur me të.
“Ai ishte i mbuluar me gjak, ishte ende gjallë, por megjithatë u vra”, është shprehur presidenti i ardhshëm i Rusisë.
Koloneli Muammar Gaddafi u vra nga rebelët më 21 tetor, teksa përpiqej të largohej përmes një kanali nga qyteti i Sirtes.
Njeriu që qeverisi Libinë për 42 vjet u varros të martën, në mënyrë të fshehtë dhe në një lokalitet sekret në shkretëtirë.
Kryengritësi që pretendon se ishte ekzekutori i tij deklaroi në një video se e kishte vrarë kolonelin për t’i dhënë ndëshkimin e merituar.
Top Channel
