KS, të mërkurën diskutimi mbi kërkesën palestineze
27/09/2011 01:50
Nepali shënon ditëlindjen e 2568-të të Budës (fotot) 23/05 19:28
Të mërkurën, Këshilli i Sigurimit do të mbajë diskutimin në lidhje me pranimin ose rrëzimin e kërkesës së Autoritetit Palestinez për të njohur ndërkombëtarisht shtetin e Palestinës.
Të premten që kaloi, presidenti i Autoritetit Palestinez, Mahmud Abas dorëzoi në duart e Sekretarit të Përgjithshëm të OKB-së, Ban Ki Mun, kërkesën për njohjen e Palestinës shtet.
Kërkesa, përvec Këshilllit të Sigurimit, do të shqyrtohet edhe nga Asambleja e Përgjithshme e OKB-së.
Por sfida e madhe e Abasa dhe e palestinezëve mbetet vetoja e paralajmëruar e SHBA-së në Këshillin e Sigurimit. Kjo veto u paralajmëruar nga vete presidenti Obama i cili tha se SHBA nuk është kundër një shteti palestinez, por se ai duhet të jetë rrjedhojë e bisedimeve dypalëshe mes palestinezëve dhe izraelitëve.
Ftesë për bisedime për liderin palestinez, Mahmud Abas bëri edhe kryeministri izraelit, Benjamin Netanjahu. Netanjahu apeloi për bisedime pa kushte, në kohën kur palestinezët këmbëngulin se bisedimet do të rinisin vetëm në kohën kur Izraelit të ndalë kolonizimin e tokave palestineze.
Top Channel
