“Dreambox”, aksion në Itali

Bëhet fjalë për tregtarë dhe specialistë që zbulonin nëpërmjet internetit kodet e kanaleve satelitore me pagesë. Duke shfytëzuar programe të posaçme kompjuterike dhe kode abonimi me Sky dhe Mediaset Premium, ata i kishin shitur këto kode një numri të madh abonentësh.

Praktikisht kjo procedurë bënte të mundur që një paketë programesh, te shihej në mënyrë të paligjshme nga një numër i madh përdoruesish, të cilët paguanin një shifer shumë më të ulët se abonimi i rregullt.

Pas hetimeve mendohet se ka disa mijëra persona që kane blerë abonime që mund të cilësohen si të bashkë-ndara me të tjerë dhe janë në program kontrolle të imëta ne zonat e Lazios, Sicilisë, Piemontes dhe Emilia Romagna, ku ky aktivitet duket se ka patur shtrirje më të madhe.

Policia bën të ditur se kjo ështe vetëm faza e parë e hetimeve të cilat tani po i kapërcejnë kufijtë e Italisë e po zgjerohen deri në Gjermani e Zvicër.

Top Channel