Gazsjellesi “zbut” Greqinë

Drejtuesit e projektit, i cili mbështet fort nga qeveria shqiptare, pasi është i vetmi që e përfshin Shqipërinë në rrjetin ndërkombëtar të gazit, njoftuan se investimet në Greqi do të dyfishohen në 1 miliardë euro. Sipas ‘Financial Times’,  gazsjellësi, i cili ishte parashikuar të niste në Selanik dhe përmes Shqipërisë përfundonte në Bari, tani zë fill 300 kilometër me thellë në tokën greke në qytetin e Komotinit.

Kjetil Tungland, drejtori i projektit, tha se me ndryshimet e reja, gazjellësi do të krijojë 2 mijë vende pune në Greqi. Gazjellësi Transadritatik është një projekt i tre kompanive të njohura në fushën e energjetikës, zviceranes EGL dhe norvegjezes ‘Shtatoil’, të cilat zotërojnë nga 42.5 për qind të aksioneve dhe gjermanes E. ON Rurgas, e cila ka 15 për qind. Aktualisht janë tre projekte që konkurrojnë për të sjellë gazin e Kaspikut në Europë, ku dy të tjerët janë Nabuko dhe gazjellësit italo-grek.

Dy projektet e fundit e përjashtojnë Shqipërinë, ndaj Tirana ka lobuar gjithmonë për gazsjellësin transadriatik. Aksionerët e fushës së Shah Denizit, prej nga do të merret gazi kanë bërë të ditur se afati i fundit që tre projektet të dorëzojnë ofertat është data 1 tetor dhe më pas do të nisë vlerësimi për projektin fitues. Shanset e gazsjellësit që ka përfshirë Shqipërinë janë rritur me përfshirjen e norvegjezes ‘Shtatoil’ në projekt, e cila zotëron 25.5 për qind të aksioneve të fushës gazmbajtëse të Shah Denizit në Afganistan.  

Top Channel