Vrasja, Bin Laden ndodhej me pizhama

Televizioni amerikan, NBC ka rindërtuar operacionin e forcave speciale amerikane dhe pretendon se bazohet tek të dhënat e vetë Pentagonit mbi këtë operacion.

Sipas NBC, katër Seals janë përballur në njërën derë hyrëse në katin e parë të fortesës së Bin Laden me korrierin e kryeterroristit dhe bashkëshorten e tij. Të dy janë qëlluar për vdekje. Ndërsa dy Seals kanë qendruar jashtë, dy të tjerë kanë vijuar misionin për në dhomën e gjumit të Bin Ladenit, në katin e tretë të shtëpisë.

Në katin e dytë, dy Seals-at janë përballur me djalin 19 vjecar të Bin Laden, edhe ky i qëlluar për vdekje. Më tej kanë vazhduar ngjitjen në katin e tretë, ku janë përballur me Bin Laden dhe bashkëshorten e tij, e cila ka bërë hapa para, ndërsa kryeterroristi është ngritur në këmbë, por pa bërë asnjë hap.

Seals, kanë qëlluar fillimisht tek këmbët mbi bashkëshorten e Bin Laden e më pas e kanë vrarë atë. Pastaj kanë qëlluar dy herë ndaj Bin Ladenit, një plumb në kokë e tjetrin në gjoks.

Pas vrasjes së Osama Bin Laden, Seals kanë marrë trupin e tij të pajetë, kanë hipur në helikopter dhe kanë shkatërruar helikopterin e mbetur në oborrin e shtëpisë për shkak të një avarie teknike.

Top Channel