SHBA, 5 të vdekur nga stuhitë e tornadot
26/04/2011 12:30
Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Të paktën pesë persona kanë vdekur në shtetin amerikan të Arkansasit, pasi stuhitë dhe tornadot përfshinë Amerikën qendrore.
Tre persona humbën jetën si pasojë e përmbytjeve që përfshinë rrugët në veri-perëndim të shtetit, ndërsa dy të tjerë në një qytezë të vogël, të goditur nga tornadot.
Ndërkohë, në qytezën Poplar Blaf të Misurit, 17 mijë banorë shpresojnë në vendosjen e argjinaturave për parandalimin e përmbytjeve të tjera.
Prej disa javësh stuhitë po godasin dhunshëm shtetet nëpër rajonin qendror dhe më shumë shira pritet të bien në ditët e ardhshme.
Vetëm natën e së hënës janë raportuar një duzinë tornadosh që kanë goditur Teksasin dhe Arkansasin.
Në lindje të Teksasit dëmet më të mëdha raportohet të jenë në Kontenë Huston, ku në disa zona ka edhe mungesë të energjisë elektrike.
Top Channel
