SHBA, vazhdon të ulet papunësia
01/04/2011 15:50
SHBA jep paketë të re me ndihmë ushtarake për Ukrainën, me vlerë 61 milion dollarë 26/04 20:27
Niveli i papunësisë në Shtetet e Bashkuara të Amerikës ra në nivelin e 8,8%, më i ulti që prej fillimit të krizës dy vjet e gjysmë më parë.
Ky është muaji i katërt radhazi që papunësia reduktohet, ndërsa sipas Departamentit Amerikan të Punës, 216 mijë vende të reja u krijuan gjatë marsit.
”Pa dyshim, është një sinjal i mirë dhe që dëshmon rikuperimin e ekonomisë amerikane”, deklaroi një prej ekonomistëve më të shquar amerikanë, David Sloan.
Shumica e vendeve të reja të punës janë krijuar në sektorin privat, nëpër fabrike, dyqane, shërbimin shëndetësore, edukim dhe në disa profesione të tjera.
Nëse ky ritëm punësimi vazhdon, diçka e parashikuar prej ekspertëve, deri në fundin e vitit duhet të krijohen 2,5 milion vende të reja pune.
Pavarësisht optimizmit, ekspertët janë të shqetësuar për impaktin që mund të krijojë në ekonomi rritja e çmimit të naftës dhe formave të tjera të energjisë. Diçka e tillë mund të krijojë edhe rritjen e nivelit të inflacionit.
Top Channel
